მნიშვნელოვანიმსოფლიოსაქართველო

პრეზიდენტი და პრემიერი ბრიუსელში

საქართველოს დელეგაცია, პრეზიდენტ გიორგი მარგველაშვილის ხელმძღვანელობით გაემგზავრა ბრიუსელში, სადაც 11-12 ივლისს გაიმართება ნატოს სამიტი.

პრეზიდენტის ადმინისტრაციის ინფორმაციით, საქართველო-ნატოს ურთიერთობების ისტორიაში პირველად შედგება სახელმწიფოს მეთაურთა უმაღლესი დონის შეხვედრა, რომელზეც საუბარი იქნება საქართველოს უსაფრთხოების გამოწვევებზე, თავდაცვისუნარიანობაზე და ამ კონტექსტში ნატო-საქართველოს თანამშრომლობის შემდგომ გაძლიერებაზე. პრეზიდენტი გიორგი მარგველაშვილი ბრიუსელში გაემგზავრა ანკარიდან, სადაც 9 ივლისს დაესწრო თურქეთის პრეზიდენტად ხელახალი ვადით არჩეული რეჯეპ ტაიპ ერდოანის ინაუგურაციას.

ნატოს ოფიციალურ ვებსაიტზე გამოქვეყნებული პროგრამით, 12 ივლისს, ბრიუსელის დროით 8:00 საათზე ალიანსის გენერალური მდივანი, იენს სტოლტენბერგი განცხადებას გააკეთებს საქართველოს პრეზიდენტთან, გიორგი მარგველაშვილთან ერთად, ხოლო 8:20 საათზე უკრაინის პრეზიდენტთან, პეტრო პოროშენკოსთან ერთად. ამის შემდეგ, დაიწყება ჩრდილოატლანტიკური საბჭოს სხდომა ნატოს წევრი სახელმწიფოების ლიდერების და საქართველოს და უკრაინის პრეზიდენტების მონაწილეობით.

გარდა ამისა, ცნობილი გახდა, რომ საქართელოს პრემიერ-მინისტრის რანგში მამუკა ბახტაძის პირველი ვიზიტი ბრიუსელში შედგება. ბახტაძე ბრიუსელში 18 ივლისს ჩავა. არსებული ინფორმაციით, ვიზიტი 20 ივლისამდე გაგრძელდება. უცნობია ვისთან გამართავს ქვეყნის მთავრობის მეთაური მოლაპარაკებებს.

მსგავსი პოსტები

Back to top button