კრიმინალისაქართველოსიახლეები

გახმაურებული საქმეები ომბუდსმენის ანგარიშში

სახალხო დამცველი, ნინო ლომჯარია ხორავას ქუჩაზე მომხდარი სისხლიანი გარჩევის დროს დაღუპული მოზარდის, დავით სარალიძის და პანკისის ხეობაში ჩატარებული სპეცოპერაციის დროს მოკლული, 19 წლის ახალგაზრდის, თემირლან მაჩალიკაშვილის საქმეების გამოძიებას კიდევ ერთხელ ითხოვს. ამის შესახებ ომბუდსმენმა ყოველწლიურ შემაჯამებელ პრესკონფერენციაზე ისაუბრა.

ნინო ლომჯარიას შეფასებით, ხორავას ქუჩის საქმეზე არ ჩატარებულა აუცილებელი და გადაუდებელი საგამოძიებო მოქმედებები.

ლომჯარია თემირლან მაჩალიკაშვილის საქმის გამოძიებასთან დაკავშირებით საუბრისას აღნიშნავს, რომ ომბუდსმენის აპარატს ამ დრომდე არ აქვს წვდომა გამოძიების მასალებთან.

ნინო ლომჯარიას თქმით, მიუხედავად იმისა, რომ პარლამენტმა გაიზიარა სახალხო დამცველის რეკომენდაცია, პროკურატურას გამოძიება ამ დრომდე არ დაუსრულებია.

მოისმინეთ ნინო ლომჯარიას ხმა.

ხორავას ქუჩაზე მომხდარი ტრაგედიიდან უკვე ერთი წელი გავიდა, თუმცა, გამოძიებას ამ დრომდე არ დაუდგენია, ვინ მოკლა დავით სარალიძე. ასევე, სიმართლის დადგენას და დამნაშავეების დასჯას ითხოვენ მაჩალიკაშვილების ოჯახი.

შვილმოკლული მამები უკვე რამდენიმე თვეა, პარლამენტის შენობასთან მათი შვილების მკვლელების და მათი მფარველების დასჯის მოთხოვნით პერმანენტულ აქციებს მართავენ.

მსგავსი პოსტები

Back to top button