fbpx
Hereti FM

პედოფილიისთვის ძებნილი ამერიკელი თბილისში დააკავეს

181
Share Button

შინაგან საქმეთა სამინისტრომ აშშ-ის მიერ არასრულწლოვნის მიმართ სექსუალური ძალადობისათვის ძებნილი პირი თბილისში დააკავა. ამის შესახებ ინფორმაციას შსს ავრცელებს.

ის 2018 წლიდან იძებნებოდა. როგორც შსს აცხადებს 1973 წელს აშშ-ში დაბადებული პირი თბილისში, გორკის ქუჩაზე, თავის დროებით საცხოვრებელ სახლთან დააკავეს.

დაკავებულს ბრალი 2017 წელს ქალაქ ოსტინში არასრულწლოვნის მიმართ ჩადენილი დანაშაულისთვის, ტეხასის შტატის სისხლის სამართლის კოდექსის 3 მუხლით ედება.

ახლა დაკავებულის მიმართ კანონით გათვალისწინებული წინასაექსტრადიციო პროცედურები მიმდინარეობს.

ფეისბუქ კომენტარები
Share Button
რადიო ჰერეთი