იტალიის ქალაქ ფლორენციაში პოლიციელებმა კარანტინის დამრღვევი პირი გააჩერეს, რომლის განცხადებით, მას სახლში ცოლ-შვილთან დარჩენას ჯარიმის გადახდა ერჩივნა. ამის შესახებ ინფორმაციას გამოცემა La Repubblica ავრცელებს.
მამაკაცი ველოსიპედით გადაადგილდებოდა, როდესაც ის პოლიციამ შენიშნა და გააჩერა. პოლიციამ მას ახსნა-განმარტება მოსთხოვა, თუ რატომ იმყოფება გარეთ იმის ნაცვლად, რომ თვითიზოლაციის წესებს იცავდეს.
აღნიშნულთან დაკავშირებით, კარანტინის რეჟიმის დამრღვევმა პირმა განაცხადა, რომ სახლში ცოლ-შვილთან ყოფნა მეტი აღარ შეეძლო და ერჩივნა, ჯარიმა გადაეხადა. სამართალდამცველებმა მას ჯარიმა გამოუწერეს და სახლში დაბრუნებისკენ მოუწოდეს.
იტალიაში კარანტინის პერიოდის განმავლობაში რეჟიმის დარღვევის 250 ათასზე მეტი შემთხვევა დაფიქსირდა.
