რეგიონი
მამაკაცი რომელიც ყოფილ მეუღლეს დანით გამოეკიდა გამოძიება დაიწყო
შსს-მ ზუგდიდში ორი დღის წინ მომხდარ ინციდენტზე, რა დროსაც მამაკაცი ყოფილ მეუღლეს დანით გამოეკიდა, გამოძიება საქართველოს სსკ-ის 151-ე პრიმა (ადევნების) მუხლით დაიწყო.
ამის შესახებ უწყებაში აცხადებენ.
ბრალის დამტკიცების შემთხვევაში მამაკაცს ჯარიმა და საზოგადოებისათვის სასარგებლო შრომა (ვადით ას ოციდან ას ოთხმოც საათამდე) ან/და ორ წლამდე ვადით თავისუფლების აღკვეთა ემუქრება.
ცნობისთვის, ზუგდიდში, გამსახურდიას გამზირზე საპატრულო პოლიციამ დააკავა მამაკაცი, რომელიც არასრულწლოვანი შვილების თანდასწრებით ყოფილ ცოლს მოსდევდა და დანით ემუქრებოდა.
