საქართველოსიახლეები

45%: “რესურსი თვეზე ნაკლებ ხანს მეყოფა”

ტელეკომპანია „ფორმულას“ დაკვეთით „ედისონ რისერჩის“ მიერ ჩატარებული კვლევის მიხედვით, გამოკითხულთა უმრავლესობა აცხადებს, რომ არსებულ ვითარებაში მის ოჯახს ფინანსური რესურსი მხოლოდ 1 თვის განმავლობაში ეყოფა.

უფრო კონკრეტულად, კითხვაზე – რამდენი ხნის განმავლობაში ეყოფა თქვენს ოჯახს ფინანსური რესურსი საკვებსა და პირველადი მოხმარების საგნებზე? – 45%-მა უპასუხა, რომ რესურსი ერთ თვეზე ნაკლებ ხანს ეყოფა, 40%-ს – ერთიდან სამ თვემდე, 8%-ს სამიდან ექვს თვემდე, 7%-ს კი, ექვს თვეზე უფრო მეტ ხანს.

ამავე კვლევის მიხედვით, გამოკითხულთა 96% მიიჩნევს, რომ საქართველოს მთავრობამ ეპიდემიის დასრულებამდე გადასახადების გადახდა უნდა გადაავადოს.

გამოკითხული მოსახლეობის 94% ფიქრობს, რომ უნდა გაიზარდოს დახმარება პენსიონერებისთვის; ხოლო 97%-ის აზრით, მთავრობამ ეკონომიკას ხელი გადასახადების შემცირებით უნდა შეუწყოს.

შეგახსენებთ, რომ ტელეკომპანია “ფორმულას” დაკვეთით აღნიშნული კვლევა საერთაშორისო კვლევითმა ორგანიზაციამ “ედისონ რესერჩმა” გასულ კვირას ჩაატარა. ორგანიზაციამ ტელეფონით საქართველოში მცხოვრები 1000 რესპოდენტი გამოკითხა.

მსგავსი პოსტები

Back to top button