მნიშვნელოვანისიახლეები

საქალაქო სასამართლოსთან “ნაციონალური მოძრაობის” და მიხეილ სააკაშვილის მხარდამჭერები დღესაც შეიკრიბნენ

ეს არის პროპაგანდისტული ბრალდება, რასაც ძალიან წარმატებით იყენებენ სამთავრობო მედიები, რომლებიც ცდილობენ, რომ კორუფციასთან დაკავშირებული იარლიყი მიარტყან საქართველოს მესამე პრეზიდენტს, სინამდვილეში ეს არის აბსურდული ბრალდება,- ასე შეაფასა საქართველოს მესამე პრეზიდენტის მიხეილ სააკაშვილის ადვოკატმა დიმიტრი საძაგლიშვილმა თანხების გაფლანგვის საქმე, რომელიც საქალაქო სასამართლოში დღეს განიხილება.

ამასთანავე, ადვოკატმა აღნიშნა, რომ დაცვის მხარის უპირველესი ამოცანა სასამართლოში მიმდინარე საქმეების საჯაროობა, რის გამოც ისინი ყველა პროცესზე დააყენებენ პირდაპირ ეთერში ტრანსლირების შუამდგომლობას.

საძაგლიშვილმა ასევე აღნიშნა, რომ მიუხედავად იმისა, რომ სააკაშვილის საქმეებთან დაკავშირებით სასამართლო ბიძინა ივანიშვილის ნების აღმსრულებელია, ქვეყნის მესამე პრეზიდენტი დიდხანს მაინც არ გაჩერდება ციხეში.

მიხეილ სააკაშვილის სასამართლო პროცესს დღეს მისი დედა, გიული ალასანია დაესწრება. ის საქალაქო სასამართლოშ უკვე მივიდა.
საქართველოს მესამე პრეზიდენტის მიხეილ სააკაშვილის დედის, გიული ალასანიას განცხადებით, საქალაქო სასამართლოში დღეს ჩანიშნული მისი შვილის საქმე, ძალიან სასაცილოა.

ტერიტორიაზე მყოფი ადამიანები ბანერებით – “თავისუფლება მიშას” და საქართველოს დროშებით არიან წარმოდგენილნი. ადგილზე ელოდებიან ასევე მხარდამჭერებს რეგიონებიდან.

ადგილზე იმყოფება ენმ-ს წევრი ლევან ხაბეიშვილი რომელიც 9 მილიონი ლარის გაფლანგვის საქმეს აბსურდულს უწოდებს.

დღევანდელი სასამართლო სხდომაც პოლიტიკური ტრიბუნა იქნება სააკაშვილისთვის, რაც მეტს ილაპარაკებს, მით უარესი იქნება მისთვის – ნაკლები გვექნება სამტკიცებელი, რატომ არის განსასჯელი,- ამის შესახებ საპარლამენტო უმრავლესობის წევრმა, გურამ მაჭარაშვილმა განაცხადა.
მისივე თქმით, საქმე ეხება სახელმწიფო ბიუჯეტიდან თანხის არამიზნობრივად გახარჯვას, შესაბამისად, ამას თავისუფლად შეგვიძლია ვუწოდოთ კორუფციული საქმე.

დიმიტრი საძაგლიშვილის და გიული ალასანიას ხმა

ლევან ხაბეიშვილის და გიორგი ბოტკოველის ხმა

მსგავსი პოსტები

Back to top button