“58%: ქვეყანა ზოგადად არასწორი მიმართულებით ვითარდება”
Edison Research-ის მიერ ჩატარებული გამოკითხვის შედეგებით, პასუხები კითხვაზე, თუ ვის მისცემდნენ ხმას, საპარლამენტო არჩევნები დღეს რომ ჩატარდეს, პასუხები შემდეგნაირად ნაწილდება:
ქართული ოცნება – 39%
ერთიანი ნაციონალური მოძრაობა – 16%
ევროპული საქართველო – თავისუფალი დემოკრატები – 5%
მოსახლეობის 20% ამბობს, რომ არ გადაუწყვეტია, ვის მისცემს ხმას.
ლეიბორისტული პარტია – 3%
ლელო – 3%
ახალი საქართველოსთვის (გიორგი ვაშაძე-სტრატეგია აღმაშენებელი) – 3%
პატრიოტთა ალიანსი – 3%
გირჩი – 2%
მოქალაქეები (ალეკო ელისაშვილი) – 2%
დემოკრატიული მოძრაობა ერთიანი საქართველო (ნინო ბურჯანაძე) – 1%
გამარჯვებული საქართველო (ირაკლი ოქრუაშვილი) – 1%
სამართლიანობისთვის (ეკა ბესელია) – 1%
თავისუფალი საქართველო (კახა კუკავა) – 1%
Edison Research-ის კვლევის შედეგებით, საქართველოს მოსახლეობის უმრავლესობა ამბობს, რომ 2020 წლის საპარლამენტო არჩევნებში ოპოზიციის გამარჯვების შემთხვევაში, შემდეგი 12 თვის განმავლობაში, ქვეყნის მომავალი უკეთესი იქნება.
ასე მოსახლეობის 56% ფიქრობს. შესაბამისად, 44% ამბობს, რომ ამ პირობებში მომავალი უარესი იქნება.
Edison Research-ის კვლევის შედეგებით, პრემიერ გახარიას დადებითად მოსახლეობის მეტი წილი აფასებს, ვიდრე ბიძინა ივანიშვილს.
მმართველი გუნდის პოლიტიკოსებს შემდეგნაირად აფასებენ:
გიორგი გახარია – 65% პოზიტიური; 35% ნეგატიური;
კახა კალაძე – 55% პოზიტიური; 45% ნეგატიური;
ბიძინა ივანიშვილი – 48% პოზიტიური; 52% ნეგატიური;
ირაკლი ღარიბაშვილი – 45% პოზიტიური; 55% ნეგატიური;
არჩილ თალაკვაძე – 37% პოზიტიური; 63% ნეგატიური;
ირაკლი კობახიძე – 33% პოზიტიური; 67% ნეგატიური;
Edison Research-ის კვლევის შედეგებით, ოპოზიციური პარტიების პოლიტიკოსებიდან ყველაზე დადებითად დავით ბაქრაძეს აფასებენ.
ოპოზიციონერი პოლიტიკოსების შეფასება შემდეგნაირია:
დავით ბაქარაძე – 53% პოზიციური; 47% ნეგატიური;
გიორგი ვაშაძე (ახალი საქართველო) – 44% პოზიტიური; 56% ნეგატიური;
გრიგოლ ვაშაძე – 41% პოზიტიური; 59% ნეგატიური;
შალვა ნათელაშვილი – 40% პოზიტიური; 60% ნეგატიური;
Edison Research-ის კვლევის ფაგლებში, საქართველოს მოსახლეობას ჰკითხეს, თუ როგორ აფასებს როგორც 2004-2012 წლების, ასევე 2012 წლიდან დღევანდლამდე პერიოდს.
2004-2012 წლების პერიოდს მოსახლეობის 76% დადებითად აფასებს, 24% – უარყოფითად.
2012-დან დღევანდლამდე პერიოდს კი, დადებითად 58% აფასებს, უარყოფითად – 42%.
საქართველოს მოსახლეობის 58%-ის აზრით, ქვეყანა ზოგადად არასწორი მიმართულებით ვითარდება. 42% კი ამბობს, რომ საქართველო სწორი მიმართულებით ვითარდება.
Edison Research-ის მიერ ჩატარებული გამოკითხვის შედეგებით, საქართველოს მოსახლეობის 92% ენდობა NATO-სა და ევროკავშირს.
მხოლოდ 8-8% ამბობს, რომ ხსენებული გაერთიანებების მიმართ ნდობა არ აქვს.
საქართველოს მოსახლეობის უმრავლესობა, – 65% ამბობს, რომ ფინანსური რესურსები საკვებსა და პირველადი მოხმარების საგნებზე მის ოჯახს მხოლოდ ერთი თვე ან ნაკლებ ხანს ეყოფა.
24% ამბობს, რომ ფინანსური რესურსები ერთიდან სამ თვემდე გაწვდება; 6% ამბობს, რომ ეს პერიოდი სამიდან ექვს თვემდეა; მხოლოდ 5% ამბობს, რომ მის ოჯახს ფინანსური რესურსები ექვს თვეზე მეტხანს ეყოფა.
საზოგადოებრივი აზრის გამოკითხვა ტელეკომპანია “ფორმულას” დაკვეთით ავტორიტეტულმა კვლევითმა კომპანიამ Edison Research ჩაატარა.
კვლევა 23 ივნისი – 13 ივლისის პერიოდში, პირისპირ გამოკითხვის მეთოდით ჩატარდა. კვლევის ფარგლებში, ქვეყნის მასშტაბით (გარდა ოკუპირებული ტერიტორიებისა), შემთხვევითი შერჩევით გამოიკითხა საქართველოში მცხოვრები 18 წლისა და მეტი ასაკის 2 000 ადამიანი. შედეგების ცდომილება + – 2,1%-ია.
