“თავისუფლება” და “ამერიკის ხმა” რუსეთში უცხოელ აგენტებად დარეგისტრირდნენ
![](https://heretifm.com/wp-content/uploads/2017/12/22E4B0DC-F855-4292-A480-87E62B514519_w1597_n_r1_s.jpg)
მედიასაშუალებები “რადიო თავისუფლება” და “ამერიკის ხმა” რუსეთში უცხოელ აგენტებად დარეგისტრირდნენ. ამის შესახებ “რადიო თავისუფლების” ვებგვერდი იუწყება. არსებული ინფორმაციით, მათთან ერთად უცხოელ აგენტებად დაფიქსირდნენ ამ მედიასაშუალებების შემადგენლობაში მყოფი 7 მედიაორგანიზაცია.
ვლადიმერ პუტინმა მედიის უცხოელ აგენტად რეგისტრაციის შესახებ კანონს ხელი მოაწერა.
1 დეკემბერს ცნობილი გახდა ისიც, რომ ამერიკელი ჟურნალისტები შესაძლოა რუსეთის დუმაში აღარ შეუშვან.
მოსკოვის ეს ქმედება ვაშინგტონის გადაწყვეტილების საპასუხო ზომაა. მანამდე რუსული ტელეკომპანია RT-ის ჟურნალისტებს ამერიკის შეერთებული შტატების კონგრესში აკრედიტაცია გაუუქმეს.
2017 წლის 10 ნოემბერს ამერიკის შეერთებული შტატების იუსტიციის დეპარტამენტში რუსული ტელეკომპანია RT უცხო ქვეყნის აგენტად დაარეგისტრირეს.