8 მილიონი ევრო სოფლის მეურნეობის სამინისტროს
ევროკავშირი სოფლის მეურნეობის სამინისტროს 8 მილიონი ევროს მოცულობის დახმარებას გაუწევს. ამის შესახებ სოფლის მეურნეობის მინისტრმა, ოთარ დანელიამ და საქართველოში ევროკავშირის წარმომადგენლობის ხელმძღვანელმა, იანოშ ჰერმანმა, ერთობლივ ბრიფინგზე განაცხადეს.
მათი განმარტებით, გრანტი უკვე გამოყოფილია.
პრესკონფერენციის შემდეგ სამინისტროში კინოჩვენება გაიმართა, სადაც დამსწრე საზოგადოებას ევროგაერთიანების მიერ საქართველოში განხორციელებული და დაფინანსებული პროექტები გააცნეს.
