8 თებერვლიდან კოვიდრეგულაციების დიდი ნაწილი იხსნება-აღდგება საზოგადოებრივი ტრანსპორტი

8 თებერვლიდან საქართველოში მუნიციპალური ტრანსპორტი სრული მასშტაბით ამოქმედდება. ამის შესახებ განცხადება პრემიერ-მინისტრმა გიორგი გახარიამ გააკეთა.

“დღევანდელი დადებითობის მაჩვენებელი გვაძლევს იმის შესაძლებლობას, რომ ვთქვათ და შეზღუდვების შემსუბუქება, რომელიც ჩვენ დაგეგმილი გვქონდა, ცოტა უფრო სწრაფად განვახორციელოთ.
მსჯელობის შედეგად, ორშაბათიდან, 8 თებერვლიდან, საქართველოში სრული მასშტაბით ამოქმედდება მუნიციპალური ტრანსპორტი, რაც ნიშნავს რომ მუნიციპალური ტრანსპორტი ამოქმედდება თბილისში, რუსთავშიც და ქუთაისშიც. მეტრო და ავტობუსი და სამარშუტო ტაქსები,” – განაცხადა გიორგი გახარიამ.

პრემიერ- მინისტრის, გიორგი გახარიას განცხადებით, 8 თებერვლიდან სრულად გაიხსნება ბაზრობები.

გახარიას თქმით, კვების ობიექტები საქართველოს მასშტაბით ღია სივრცეში მუშაობას შეძლებენ .

15 თებევრლიდან კი სწავლა საკლასო ოთახებში თბილისში, რუსთავსა და ქუთაისშიც აღდგება.

შეზღუდვები შენარჩუნდება შაბათ-კვირას.

შეგახსენებთ, საქართველოში მკაცრი შეზღუდვები 28 ნოემბრიდან დაწესდა. დიდ ქალაქებში გაჩერდა საზოგადოებრივი ტრანსპორტი, სწავლა სრულად ონლაინ სივრცეში გადავიდა, დაიხურა სავაჭრო ცენტრები და რესტორნებს მხოლოდ გატანის სერვისით მუშაობა შეეძლოთ.

მოისმინეთ, გიორგი გახარიას განცხადება