მნიშვნელოვანისაქართველოსიახლეები

9 აპრილს დაღუპულ გმირებს დილიდან პატივს მიაგებენ

დღეს, 9 აპრილის მემორიალთან საქართველოს დამოუკიდებლობისთვის დაღუპულ გმირებს პატივს მიაგებენ. პარლამენტის წინ შეკრებილები არიან მოქალაქეები, სხვადასხვა პარტიების წარმომადგენლები და აქტივისტები. მემორიალი სიმბოლურად წითელი ტიტებით და გვირგვინებით არის შემკული.

მემორიალთან მივიდნენ საქართველოს მთავრობის წევრები. გარდაცვლილებს პატივი მიაგო აშშ-ს ელჩმა საქართველოში კელი დეგნანმაც.

1989 წლის 9 აპრილს, საბჭოთა ჯარის დანაყოფებმა დემონსტრანტები ცეცხლსასროლი იარაღის, სასანგრე ბარების და მომწამლავი ნივთიერებების გამოყენებით დაარბიეს. დაიღუპა 21 ადამიანი, უმეტესად ქალები. ასობით დაშავდა.

უკვე 32 წელია, საქართველოში პატივს მიაგებენ 1989 წლის 9 აპრილის ტრაგედიის მსხვერპლთა ხსოვნას.
2 წლის შემდეგ, საქართველომ აღიდგინა გასაბჭოების შედეგად 1921 წელს დაკარგული დამოუკიდებლობა. 1991 წლის 9 აპრილს, უზენაესმა საბჭომ მიიღო საქართველოს სახელმწიფოებრივი დამოუკიდებლობის აღდგენის აქტი.

მსგავსი პოსტები

Back to top button