მსოფლიოში ყველაზე წარმატებულ შავკანიან მოდელს ნაომი ქემბელს 49 წელი შეუსრულდა. ერთ-ერთი ყველაზე მაღალანაზღაურებადი, ყველასგან განსხვავებული ქალბატონი და მოდელი.
ეს გახლავთ გრაციოზული, მოქნილი, ულამაზესი და დახვეწილი ნაომი ქემბელი, რომელიც დაიბადა 1970 წლის 22 მაისს ქალაქ ლონდონში.
ნაომის ბავშვობიდან უყვარდა ყურადღების ცენტრში ყოფნა, ის ტელეეთერში პირველად 7 წლის ასაკში გამოჩნდა, როდესაც სხვა ბავშვებთან ერთად გადაიღეს ბობ მარლის კლიპში Is This Love?
სამოდელო ბიზნესში ნაომი შემთხვევით მოხვდა. როდესაც 15 წლის იყო და ცნობილ Covent Garden Park-ში სეირნობდა, მას ყურადღება მიაქცია სამოდელო სააგენტო Elite-ის თანამშრომელმა ბეტ ბოლდტმა. მან თვალი ვერ მოწყვიტა ნაომის იდეალურ ტან-ფეხს, ეგზოტიკურ შესახედაობასა და განუმეორებელ პლასტიკას. ბეტმა, ნაომი კასტინგზე მიიწვია და უკვე რამდენიმე თვეში ნაომი ცნობილი მოდელი გახდა.
80-იანი წლების დასასრულს ნაომი დაუმეგობრდა სახელგანთქმულ მოდელებს — კრისტი ტარლინგტონს, ლინდა ევანგელისტას და შეიქმნა ცნობილი „სამეული“.
ნაომიმ შექმნა საქველმოქმედო ფონდი Fashion for Relief, რომელიც ეხმარება სტიქიური უბედურებებისგან დაზარალებულებს.
ამჟამად მას ამერიკულ ტელეარხზე Oxygen Media – ზე მიჰყავს საკუთარი სატელევიზიო შოუ The Face, რომელიც დიდი წარმატებით სარგებლობს.