fbpx
Hereti FM

დედოფლისწყაროში 61 წლის ქალის გარდაცვალებას განზრახ მკვლელობის მუხლით იძიებენ

54
Share Button

დედოფლისწყაროს მუნიციპალიტეტის სოფელ არბოშიკში 61 წლის ქალის გარდაცვალების ფაქტზე შსს-მ გამოძიება განზრახ მკვლელობის მუხლით დაიწყო. მეზობლებმა ქალის ცხედარი მის საცხოვრებელ სახლში 6 ნოემბერს, საღამოს აღმოაჩინეს.

გარდაცვლილის ძმის, გია სეფიაშვილის ინფორმაციით, ცხედარს ძალადობის კვალი ეტყობა, ხელები დამტვრეული აქვს, პირი კი, ე.წ. სკოჩით ჰქონდა აკრული. სეფიაშვილის თქმით, სახლიდან არაფერია წაღებული. გარდაცვლილის ძმას მომხდარის მოტივებზე საუბარი უჭირს.

დედოფლისწყაროს მუნიციპალიტეტის მერის წარმომადგენელი სოფელ არბოშიკში მურად ელაშვილი არ გამორიცხავს, რომ მკვლელობამდე გაძარცვის მცდელობა იყო. ელაშვილის ინფორმაციით, გარდაცვლილის სახლში ნივთები გადმოყრილი იყო და დამსხვრეულია ფანჯრები.

სახლი სადაც 61 წლის ქალის ცხედარი იპოვეს
ფეისბუქ კომენტარები
Share Button
რადიო ჰერეთი