“[ივანიშვილი] განსაკუთრებით სახიფათოა ქვეყნისთვის”
თავდაცვის ყოფილი მინისტრი თინა ხიდაშელი პარლამენტის თავმჯდომარის მიერ დღეს გაკეთებულ განცხადებას ეხმაურება.
“ბევრის დაწერა შეიძლება პარლამენტის თავმჯდომარის დღევანდელ განცხადებაზე, მაგრამ მხოლოდ რამდენიმე წინადადებით, იმაზე თუ სავარაუდოდ რისი მოლოდინი აქვს:
“1. დარწმუნებულია, ელჩები არ იტყვიან სახელებით და გვერებით იმაზე მეტს, რაც უკვე თქვეს. აქვე ვურთავ აშშ საელჩოს 14 აპრილის განცხადებას ოქრუაშვილის საქმეზე. აქ რაც წერია ამაზე მეტი თუ გვითხრეს მაშინ ფიდელ კასტროს რეჟიმი გაქვთო უნდა მიაყოლონ.
“2. და თუ იმაზე მეტი თქვეს რაც უკვე ნათქვამია და შესაბამისად, ფიდელ კასტროს რეჟიმი გაქვთო, მაშინ რა დარჩება ამ ქვეყნისგან. მსგავსი დარდი როგორც ჩანს არ აქვს არჩილ თაკალვაძეს.
“3. და კიდევ ერთი, იმის მიუხედავად რას იტყვიან, ეს ხომ მათ ცოდნას და მეხსიერებას არ გააქრობს იმაზე თუ სინამდვილეში რაზე იყო შეთანხმება. და ეხლა თუ ვერ იტყვიან ეს ხომ არ ნიშნავს, რომ ეს პირობა გაქრება და უკვალოდ ჩაივლის.
“4. მუდამ ასეთი ნახევარი ნაბიჯებით რატომ დადის ხელისუფლება. ხვალ ამ მოტივით საკონსტიტუციო ცვლილებებზე თუ იტყვის უარს, მერე ხომ დაემხობათ თავს მთელი ცივილიზებული სამყარო, და სინამდვილეში კი მორიგ ჯერზე იწირება ქვეყნის რეპუტაცია. და შემდეგ სერიაში რა ხდება?
“5. ყველაზე საშიში ამ ყველაფერში კი ის არის, რომ სააკაშვილისგან განსხვავებით, რომელმაც ბოლო სერიაში იცოდა, რომ თუკი ყველაფრის მიუხედავად დამარცხედობა, თუ ამ დედამიწაზე უნდოდა ცხოვრება უნდა ეღიარებინა შედეგები, ეს ივანიშვილმა ნამდვილად არ იცის, ვინაიდან დღეს დარწმუნებულია რომ თუ ძალაუფლებას დაკარგავს ამით ყველაფერი მთავრდება მისთვის.
“მთავარი განსხვავებაც აქ არის.
“- სააკაშვილმა იცოდა, რომ არჩევნებში დამარცხების არ აღიარებით მთავრდებოდა ყველაფერი, რაც მისთვის მნიშვნელოვანი იყო.
“- ივანიშვილს კი გონია, რომ არჩევნებში დამარცხებით მისთვის მთავარდება ყველაფერი ის, რაც დღეს მნიშვნელოვანია.
“ამიტომაც არის განსაკუთრებით სახიფათო ქვეყნისთვის.” – წერს თინა ხიდაშელი და ბოლოს, ციტატად მოჰყავს აშშ-ს საელჩოს მიერ, ირაკლი ოქრუაშვილის დაპატიმრებასტან დაკავშირებით გაკეთებული განცხადება:
“ირაკლი ოქრუაშვილის დაპატიმრების დრომ და გარემოებამ გამოიწვია შეშფოთება პოლიტიკურ ჩარევასა და შერჩევითი სამართლის გამოყენებასთან დაკავშირებით. ეს საქმე ჩრდილს აყენებს სამართალწარმოების მიუკერძოებლობას — საკითხს, რომლის ირგვლივ არსებული შეშფოთების გაქარწყლებას ემსახურებოდა 8 მარტის ერთობლივი განცხადება. ჩვენ მოვუწოდებთ ყველა ხელმომწერ მხარეს, სრულად დაიცვან 8 მარტის შეთანხმება.” – იუწყებოდა აშშ-ს საელჩო 14 აპრილს.
ინფორმაციისთვის, დღეს პარლამენტის თავმჯდომარე არჩილ თალაკვაძემ ხელისუფლებასა და ოპოზიციას შორის 8 მარტის მოლაპარაკებების ფასილიტატორ ელჩებს მიმართა და მოუწოდა, საჯაროდ დაადასტურონ, რომ ხელისუფლებას არ აუღია პრეზიდენტისთვის, სასამართლოსა და პროკურატურისთვის მიმართვისა და გიგი უგულავას, ირაკლი ოქრუაშვილისა და გიორგი რურუას გათავისუფლების ვალდებულება. თალაკვაძის თქმით, ეს ხელს შეუწყობს ამ საკითხზე სპეკულაციების დასრულებას.
