fbpx
Hereti FM - ჩვენ ვსაუბრობთ თქვენს ენაზე

“საქართველო რომ ოკუპირებულია, საკმარისია, რომ ნატოში მივიღოთ”

2 728
Share Button

“ის ფაქტი, რომ საქართველო ოკუპირებულია, საკმარისია იმისთვის, რომ ქვეყანა ნატოში მივიღოთ”. – ამის შესახებ შეერთებული შტატების კონგრესის წარმომადგენელთა პალატის საქართველოს მეგობართა ჯგუფის თანათავმჯდომარემ, ადამ კინზინგერმა „ამერიკის ხმა”-სთან ინტერვიუში განაცხადა.

რესპუბლიკელმა კონგრესმენმა მსოფლიოში არასტაბილურობის შექმნის კუთხით რუსეთის ნეგატიურ როლზეც ისაუბრა და საქართველოსთან ურთიერთობების გაღრმავების მნიშვნელობას ხაზი კიდევ ერთხელ გაუსვა.

„რუსეთი ნეგატიურ როლს თამაშობს არა მხოლოდ გავლენის, არამედ მასობრივი არასტაბილურობის შექმნის კუთხითაც. მათ ეს იციან. რუსეთი ბევრად უფრო სუსტი ქვეყანაა, ვიდრე ამერიკა. ერთადერთი, რისი გაკეთებაც შეუძლიათ, მსგავსი, ცალკეული ნაბიჯებია. ისინი გააგრძელებენ პრობლემების შექმნას. როგორც ევროპელ ლიდერებს ატლანტიკურ საბჭოში გამოსვლისას ვუთხარი, დროა, ორმაგად უფრო ჩართულები ვიყოთ საქართველოში, რათა რუსეთს ჩვენი ბულინგის საშუალება არ მივცეთ. ფაქტია, რომ საქართველო ოკუპირებულია, ჩემთვის საკმარისია იმისთვის, რომ საქართველო ნატოში მივიღოთ. ჩვენ ისეთმა სუსტმა ქვეყანამ, რომელსაც რუსეთი ჰქვია, არ უნდა შეგვაშინოს”. – აღნიშნა კინზინგერმა.

ფეისბუქ კომენტარები
Share Button
რადიო ჰერეთი