“ბიბისის” ცნობით, გერმანიაში ლენინის ძეგლი დადგეს. მონუმენტის დადგმის ინიციატორი გერმანიის “მარქსისტ-ლენინისტური პარტია” იყო.
ძეგლის ავტორი ჩეხი მოქანდაკეა, რომელმაც მონუმენტი 1957 წელს შექმნა. ძეგლი გერმანული პარტიის წევრებმა ონლაინში, 16 000 ევროდ იყიდეს.
საბჭოთა კავშირში მარქსისტული იდეოლოგიის ერთ-ერთი გამავრცელებლის, ვლადიმირ ლენინის ძეგლის დადგმას, ქალაქ გეზელკინხენში აზრთა სხვადასხვაობა მოჰყვა. მონუმენტის დადგმის წინააღმდეგ გამოვიდა როგორც ადგილობრივი მოსახლეობა, ასევე ქალაქის მერიაც, თუმცა გეზელკინხენის სასამართლომ სარჩელი ძეგლის აღებასთან დაკავშირებით არ დააკმაყოფილა.
