fbpx
Hereti FM - ჩვენ ვსაუბრობთ თქვენს ენაზე

“მოქალაქეები თურქეთში სამუშაოდ წასვლას შეძლებენ”

87
Share Button

აჭარის მთავრობის თავმჯდომარის, თორნიკე რიჟვაძის თქმით, საქართველოს მოქალაქეები თურქეთში სამუშაოდ წასვლას შეძლებენ, უკან დაბრუნებისას კი, სავალდებულო კარანტინის გავლა მოუწევთ.

“მივიღეთ გადაწყვეტილება, რომ საქართველოს მოქალაქეები და პირველ რიგში, აჭარის მცხოვრებლები, თურქეთის რესპუბლიკიდან დამსაქმებლისგან გაცემული 3-თვიანი მოწვევის საფუძველზე, შეძლებენ თურქეთში სამუშაოდ წასვლას. თუმცა, ისინი უკან დაბრუნებისას ვალდებულები იქნებიან, გაიარონ საკარანტინე რეჟიმი.” – თქვა რიჟვაძემ საკოორდინატო საბჭოს სხდომის შემდეგ გამართულ ბრიფინგზე.

რიჟვაძის თქმით, თურქეთში წასვლის მსურველებმა უნდა წარმოადგინონ სამთვიანი ცნობა, რომელიც დამსაქმებლის მხრიდანაა გაცემული.

შეგახსენებთ, რომ საქართველოს მოქალაქეებმა, რომლებიც პანდემიამდე თურქეთში იყვნენ დასაქმებული, საზღვრების გახსნის მოთხოვნით, საპროტესტო აქცია არაერთხელ გამართეს.

ფეისბუქ კომენტარები
Share Button
რადიო ჰერეთი