fbpx
Hereti FM - ჩვენ ვსაუბრობთ თქვენს ენაზე

რაგბის კავშირის პრეზიდენტის მოვალეობის შემსრულებელი გადადგა

131

საქართველოს რაგბის კავშირის პრეზიდენტის მოვალეობის შემსრულებელმა თანამდებობა არჩევიდან 10 დღეში დატოვა.

გიორგი გორგასლიძეს თანამდებობა ახალი პრეზიდენტის არჩევამდე უნდა დაეკავებინა, თუმცა, მისი განცხადებით, არსებულ სიტუაციაში და რაგბის სამყაროში შექმნილი კრიზისის დროს, მართვის შემოთავაზებულმა ფორმამ ვერ გაამართლა.

რამდენიმე დღის წინ, საქართველოს რაგბის კავშირში შემავალმა კლუბებმა გიორგი გორგასლიძეს წერილით მიმართეს, სადაც წერენ, რომ ქართული რაგბი გაქრობის პირასაა და თუ შესაბამისი ზომები არ იქნება მიღებული, მდგომარეობა კრიტიკული გახდება. კრიზისის შედეგად, საქართველოს ეროვნული ჩემპიონატი ჯერაც არ განახლებულა და გუნდები მოთამაშეებისათვის ხელფასების გადახდას ვერ ახერხებენ.

შეგახსენებთ, რომ რაგბის კავშირის პრეზიდენტმა, გოჩა სვანაძემ თანამდებობდა სარაგბო სამყაროში შექმნილი კრიზისის გამო, 30 ივლისს დატოვა.

ფეისბუქ კომენტარები
რადიო ჰერეთი