fbpx
Hereti FM - ჩვენ ვსაუბრობთ თქვენს ენაზე

ევროკავშირი: “ლუკაშენკო არალეგიტიმური პრეზიდენტია”

"ბელარუსი ჩინოვნიკების წინააღმდეგ სანქციები უახლოეს მომავალში დაწესდება"

134

ევროკავშირის უმაღლესი წარმომადგენლის საგარეო პოლიტიკისა და უსაფრთხოების საკითხებში, ჟოზეფ ბორელის განცხადებით, ბელარუსის არჩევნები გაყალბებულია და ლუკაშენკო არალეგიტიმური პრეზიდენტია. ამის შესახებ, მან ევროპარლამენტის სესიაზე ისაუბრა. ინფორმაცია ბორელის გამოსვლის შესახებ გამოცემა TUT.BY-მ გავრცელა.

ჯოზეფ ბორელი

სესიაზე ბორელმა ისაუბრა არჩევნების შემდეგ მრავალი თვითნებური დაკავების, აქციის მონაწილების წინააღმდეგ განსაკუთრებით სასტიკი მოპყრობისა და საკოორდინაციო საბჭოს პრეზიდიუმის ყველა წევრის დაკავების შესახებ, გარდა სვეტლანა ალექსიევიჩისა.

მისი თქმით, ბელარუსის კრიზისიდან გამოსავლის გზა მთავრობასა და ხალხს შორის დიალოგია. ამ დიალოგების მოწყობაში დახმარების გაწევა კი, ეუთოს შეუძლია. თუმცა, ბელარუსის ხელისუფლებასთან დიალოგი ვერ შედგა.

ჟოზეფ ბორელმა განაცხადა, რომ ბელარუსი ჩინოვნიკების წინააღმდეგ სანქციებზე მუშაობა უკვე დასრულდა და უახლოეს მომავალში დაწესდება. მანვე აღნიშნა, რომ ელოდებიან ევროპული საბჭოს საგანგებო სხდომას, რომელიც 24-25 სექტემბერს გაიმართება. მისივე თქმით, გადახედეს ბელარუსთან ურთიერთობას და განისაზღვრა სფეროები, რომლებშიც კომუნიკაციები ან შემცირდება ან სრულიად გაუქმდება.

ფეისბუქ კომენტარები
რადიო ჰერეთი