fbpx
Hereti FM - ჩვენ ვსაუბრობთ თქვენს ენაზე

პუტინი,ყარაბაღში დაპირისპირებულ მხარეებს, დღეს მოსკოვში იწვევს

ამის შესახებ ინფორმაციას რუსული მედია ავრცელებს.

78

რუსეთის პრეზიდენტი ვლადიმერ პუტინი სომხეთისა და აზერბაიჯანის საგარეო საქმეთა მინისტრებს მთიანი ყარაბაღის კონფლიქტთან დაკავშირებით კონსულტაციებისთვის დღეს მოსკოვში იწვევს, – ამის შესახებ ინფორმაციას რუსული მედია ავრცელებს.

„აზერბაიჯანის პრეზიდენტ ილჰამ ალიევსა და სომხეთის პრემიერ-მინისტრ ნიკოლ ფაშინიანთან მთელი რიგი სატელეფონო საუბრების შემდეგ, რუსეთის ფედერაციის პრეზიდენტი მხარეებს მოუწოდებს, შეაჩერონ მიმდინარე საბრძოლო მოქმედებები მთიანი ყარაბაღის კონფლიქტის ზონაში ჰუმანიტარული მიზეზების გამო, გვამებისა და პატიმრების გაცვლის მიზნით“, – ნათქვამია კრემლის პრესსამსახურის მიერ გავრცელებულ განცხადებაში.

„ამ საკითხებზე კონსულტაციების გასამართად, რუსეთის საგარეო საქმეთა მინისტრის შუამავლობით, აზერბაიჯანისა და სომხეთის საგარეო საქმეთა მინისტრები მოწვეულნი არიან მოსკოვში 9 ოქტომბერს“, – აღნიშნულია განცხადებაში.

ფეისბუქ კომენტარები
რადიო ჰერეთი