fbpx
Hereti FM - ჩვენ ვსაუბრობთ თქვენს ენაზე

Covid 19 – ით კახეთში შემოსავლების სამსახურის თანამშრომლები დაინფიცირდნენ

ამჟამად, თელავის სერვის-ცენტრი დაკეტილია და იქ სადეზინფექციო სამუშაოებიც უკვე ჩატარებულია.

თელავი, ფოტო რადიო ჰერეთი/დრონი
487

თელავში, შემოსავლების სამსახურის სერვის- ცენტრის 9 თანამშრომელს კორონა ვირუსი დაუდასტურდა.

ინფორმირებული წყარო, რადიო ჰერეთს უყვება, რომ სერვის-ცენტრში, პირველი შემთხვევის გამოვლენის დღეს, სამსახურის 5 თანმშრომელს უკვე ტემპერატურა აღენიშნებოდა.

სერვის-ცენტრში მყოფ პირთა ინფიცირების წყარო, სავარაუდოდ, თანამშრომელი გახდა, რომელიც ყვარლის მუნიციპალიტეტიდან არის.

ამჟამად, თელავის სერვის-ცენტრი დაკეტილია და იქ სადეზინფექციო სამუშაოებიც უკვე ჩატარებულია.

რადიო ჰერეთის ინფორმაციით, კოვიდ-19 დაუდგინდა, თელავის სერვის-ცენტრში პირველად გამოვლენილი ინფიცირებულის ოჯახის ორ წევრსაც.

ეპიდემიოლოგები, მათ კონტაქტებს სწავლობენ.

პირველი ინფიცირებული, შემოსავლების სამსახურის თელავის სერვის-ცენტრში, 15 ოქტომბერს გამოვლინდა.

ინფორმაციის დასაზუსტებლად და უფრო მეტი დეტალის გასარკვევად, რადიო ჰერეთის სატელეფონო ზარებს, შემოსავლების სამსახურის პრეს-ცენტრში, მთელი დღის განმავლობაში არ უპასუხეს.

დღევანდელი მდგომარეობით, კახეთის რეგიონში ახალი კორონა ვირუსის 128 დადასტურებული შემთხვევაა გამოვლენილი.

ფეისბუქ კომენტარები
რადიო ჰერეთი