მნიშვნელოვანირეგიონისიახლეები

გახარია “გირჩის” ბარებს დაჯარიმებით ემუქრება

საქართველოს პრემიერ-მინისტრი, გიორგი გახარია ამბობს, რომ დაჯარიმდება ყველა ის კაფე-ბარი, რომელიც პოლიტიკურ პროცესში ჩართვის მოტივით შეზღუდვების მიუხედავად იმუშავებენ. ამის შესახებ მან სკოორდინაციო საბჭოს სხდომის დასრულების შემდეგ განაცხადა.

“რამდენიმე შემთხვევა იყო, რამდენიმე კომპანიამ სცადა [მუშაობა] რაღაც შეფერილობებით, ვითომ, ეს პოლიტიკური პროცესში იღენდნენ მონაწილეობას. პირადად გეუბნებით, ყველა მათგანი იქნება დაჯარიმებული, თუ ეს შემთხვევები გაგრძელდება, მეორე შემთხვევა არის სისხლისსამართლებრივი პასუხისმგებლობა და ყველგან აღიძრება სისხლის სამართლის საქმე”, – თქვა გახარიამ.

ცნობისთვის, 16 ოქტომბრის 22:00 საათის შემდეგ, ბათუმში, თბილისსა და იმერეთში აკრძალულია კაფე-ბარებისა და კვების ობიექტების მუშაობა. რეგულაციების მიხედვით, საარჩევნო კამპანიებზე შეზღუდვები არ ვრცელდება და სწორედ ამ მიზნით კაფე-ბარების ნაწილი “გირჩის” საარჩევნო შტაბებად გადაკეთდნენ.

მოქმედი კანონმდებლობით, იზოლაციისა და კარანტინის წესების დარღვევის შემთხვევაში კომპანია 10 ათასი ლარით ჯარიმდება, დარღვევის განმეორების შემთხვევაში გათვალისწინებულია სისხლისსამართლებრივი პასუხისმგებლობის დაკისრებაც.

მსგავსი პოსტები

Back to top button