Hereti FM - ჩვენ ვსაუბრობთ თქვენს ენაზე

8 ნოემბერს, საერთო ეროვნული საპროტესტო აქცია დაანონსდა

85

„ევროპული საქართველოს“ ერთ-ერთი ლიდერის, სერგი კაპანაძის განცხადებით, 8 ნოემბერს დაანონსებული აქცია საერთო ეროვნული პროტესტი იქნება.

როგორც კაპანაძე აღნიშნავს, აქციის მონაწილეების მთავარი მოთხოვნა ვადამდელი არჩევნების ჩატარება იქნება.

„ეს იქნება ყველა იმ ადამიანის აქცია, რომელიც უკმაყოფილოა ამომრჩეველზე მასშტაბური ზემოქმედების, გაყალბების და ძალადობის გამო, რაც თან ახლდა 31 ოქტომბრის არჩევნებს. ეს არ იქნება ცალკე აღებული რომელიმე პარტიის აქცია. ეს იქნება საერთო ეროვნული აქცია და მას არანაირი კავშირი არც ერთ პარტიასთან არ ექნება. ეს არის ხალხის უფლება, რომ გააპროტესტოს ის, რაც ხდება. ჩვენი მოთხოვნაა ვადამდელი არჩევნების ჩატარება იმ კონკრეტული წესების დაცვით, რომელიც ახლა იქნა დარღვეული და რაც მთავარია, არა იმ საარჩევნო ადმინისტრაციის პირობებში, რომელმაც ახლა ეს ყველაფერი გააკეთა, ეს არის მოთხოვნა“, – განაცხადა კაპანაძემ.

 

ფეისბუქ კომენტარები
რადიო ჰერეთი