Hereti FM - ჩვენ ვსაუბრობთ თქვენს ენაზე

ხარკოვში 22 იანვარი გლოვის დღედ გამოცხადდა

180

ხანდაზმულთა თავშესაფარში ხანძრის გაჩენის მიზეზების გამოძიების ფარგლებში, სამართალდამცველებმა სამი პირი დააკავეს.

ამის შესახებ ხარკოვის რეგიონული პროკურატორის დეპარტამენტის პრეს-სამსახურმა განაცხადა. ინფორმაციას ადგილობრივი მედია ავრცელებს.

დაკავებულთა შორისაა შენობის მეპატრონე, მოიჯარე და დაწესებულების ადმინისტრატორი.

ხარკოვის ოლქის ადმინისტრაციის განცხადებით, დაწესებულება უკანონო იყო. როგორც პროკურატურაში აცხადებენ, მომხდართან დაკავშირებით გამოძიება გრძელდება. 22 იანვარი ხარკოვში გლოვის დღედ გამოცხადდა.

შეგახსენებთ, უკრაინაში, ქალაქ ხარკოვის ხანდაზმულთა თავშესაფარში გაჩენილი ხანძრის შედეგად 15 ადამიანი დაიღუპა, დაშავებულია 11.
ხანძარი ორსართულიანი შენობის მეორე სართულზე გაჩნდა. ამ დროს შენობაში 33 ადამიანი იმყოფებოდა.

ხანძრის გამომწვევი მიზეზი ჯერჯერობით უცნობია. ერთ-ერთი ვერსიით, შენობაში ცეცხლის გაჩენა ელექტროგამათბობელმა გამოიწვია. მომხდართან დაკავშირებით გამოძიება გაუფრთხილებლობის მუხლით მიმდინარეობს.

ფეისბუქ კომენტარები
რადიო ჰერეთი