ქართველი მოკრივეები ფინალში… დღეს ბოშკაის მემორიალი სრულდება

უნგრეთის ქალაქ დებრეცენში დღეს ფინალური ორთაბრძოლები გაიმართება, სადაც ბოშკაის ტურნირზე ჩასული 5 ქართველიდან ორი მოკრივე იასპარეზებს.

A კატეგორიის საერთაშორისო ტურნირის ნახევარფინალურ შეხვედრებში საქართველოს ნაკრების წევრებმა მოწინააღმდეგენი ადვილად დაამარცხეს. 63 კგ. წონით კატეგორიაში მებრძოლმა ლაშა გურულმა მასპინძელ მილან ფოდორს სძლია. +91 კგ.წონით კატეგორიაში გამოსულმა ნიკოლოზ ბეგაძემ კი რუმინელი კრისტიან ფილიპი დაამარცხა.

ფინალში ლაშა გურულის მეტოქე ისევ უნგრელი რიჩარდ კოვაჩი იქნება. ნიკოლოზ ბეგაძე კი ბრიტანელ ფრეიზა კლარკს დაუპირისპირდება.