მნიშვნელოვანირეგიონისიახლეები
ავტოსაგზაო შემთხვევისას დაშავებული მამაკაცის მდგომარეობა მძიმეა
ყვარელში, ავტოსაგზაო შემთხვევის შედეგად დაშავებული ახალგაზრდა მამაკაცის ჯანმრთელობის მდგომარეობა სტაბილურად მძიმეა.
თელავის რეფერალური საავადმყოფოს დირექტორის, ხათუნა ჭონიაშვილის ინფორმაციით, პაციენტის მკურნალობა რეანიმაციულ განყოფილებაში გრძელდება.
” შემოიყვანეს ახალგაზრდა, მძიმედ დაშავებული, რომელსაც რეანიმაციული ღონისძიებები სჭირდებოდა. მისი ჯანმრთელობის მდგომარეობა, კვლავ საჭიროებს რეანიმაციაში ყოფნას. ჯერჯერობით, სხვას ვერაფერს გეტყვით, ვერც პროგნოზს გავაკეთებ”- განაცხადა ჭონიაშვილმა.
ავტოსაგზაო შემთხვევა ყვარელში 16 თებერვალს მოხდა.გადაჭარბებული სიჩქარით მოძრავი ავტომობილი გზიდან გადავიდა და გადაბრუნდა.
შინაგან საქმეთა სამინისტროს ინფორმაციით, გამოძიება მომხდარ ფაქტზე, სისხლის სამართლის კოდექსის 276- ე მუხლით დაიწყო
