თელავის საპროტესტო კარავი თბილისში გადაინაცვლებს
თელავის თეატრის წინ განთავსებული საპროტესტო კარავი თბილისში, პარლამენტის წინ გადაინაცვლებს.
ინფორმაცია რადიო ჰერეთს, კარავში მყოფმა პოლიტიკური პარტიების წარმომადგენლებმა და სამოქალაქო აქტივისტებმა დაუდასტურეს.
” ქვეყანაში მიმდინარე მძიმე პოლიტიკური პროცესები ითხოვს, ერთიან კონსოლიდირებულ პროტესტს. ამიტომ მივიღეთ გადაწყვეტილება, გადავიდეთ თბილისში და ბრძოლა იქ გავაგრძელოთ. ყველა მივდივართ და იქ ვიქნებით”- განაცხადა ლეიბორისტული პარტიის კახეთის ორგანიზაციის თავმჯდომარემ, ნიკა ვარდოშვილმა.
კარავი თელავის თატრის წინ, სამოქალაქო აქტივისტებმა 3 დეკემბერს, 31 ოქტომბრის საპარლამენტო არჩევნების შედეგების გასაპროტესტებლად დადგეს.
პროტესტს თანდათანობით, აქტივისტები და პოლიტიკური პარტიების წარმომადგენლები უერთდებოდნენ.
კარვის თბილისში გადატანის შესახებ განცხადებას, სამოქალაქო აქტივისტები დღეს, 17 საათზე გააკეთებენ