Hereti FM - ჩვენ ვსაუბრობთ თქვენს ენაზე

ლაგოდეხში მუშაობა საბავშვო ბაღების ნაწილმა განაახლა

133

31 არსებული სააღმზრდელო დაწესებულებიდან დღეს ლაგოდეხის მუნიციპალიტეტში მხოლოდ 23 საბავშვო ბაღი გაიხსნა. ლაგოდეხის მუნიციპალიტეტის სკოლამდელი აღზრდის დაწესებულებათა გაერთიანების დირექტორი თამარ ბაღაშვილი რადიო ჰერეთთან აცხადებს, რომ დანარჩენ 8 ბაღში ამ დროისთვის სარეაბილიტაციო სამუშაოები მიმდინარეობს და სააღმზრდელო პროცესს რეაბილიტირებული ბაგა-ბაღები უახლოეს მომავალში განაახლებენ.

ბაღაშვილის თქმით, იმ აღმზრდელებს და პედაგოგებს, რომლებიც რეგულაციების დასრულების შემდეგ დღეს პირველად შევიდნენ აღსაზრდელებთან, 1 კვირის წინ კოვიდტესტირება ჩაუტარდათ.

ქალაქ ლაგოდეხში დღეს საზეიმო ვითარებაში #3 საბავშვო ბაღი გაიხსნა. სააღმზრდელო დაწესებულება, სარეაბილიტაციო სამუშაოების გამო, რომელიც ადგლობრივ ბიუჯეტს 597 ათას ლარი დაუჯდა, – თითქმის 1 წელი იყო გაჩერებული.

მუნიციპალიტეტის მერი ჯონდო მდივნიშვილი ჰერეთთან აცხადებს, რომ აღნიშნული პროექტის ფარგლებში ლაგოდეხის მუნიციპალიტეტს სულ მალე კიდევ ორი, სოფლების: გიორგეთის და ცოდნისკარის რეაბილიტირებული ბაღები შეემატება.

#3 საბავშვო ბაგა-ბაღის დირექტორის ლელა კუქსინას თქმით, ახლადგახსნილი ბაღი 80 აღსაზრდელისთვისაა განკუთვნილი.

მოისმინეთ ჯონდო მდივნიშვილის,თამარ ბაღაშვილის და ლელა კუქსინას კომენტარები

ფეისბუქ კომენტარები
რადიო ჰერეთი