ვინც უშუალოდ მონაწილეობდა ამ ძალადობაში ყველას მოეთხოვება პასუხი-კახი კალაძე
დღეს, თბილისის მერმა, კახა კალაძემ, თბილისის საერთაშორისო აეროპორტში მედიასთან განცხადება გააკეთა და თქვა რომ მისთვის ნებისმიერი ძალადობა არის მიუღებელი და რომ არ აქვს მნიშვნელობა ვის მიმართ იქნება ის განხორციელებული.
„კატეგორიულად ვემიჯნებით მომხდარს და გუშინაც მოვისმინეთ განცხადებები იმასთან დაკავშირებით, რომ ყველა მკაცრად იქნება დასჯილი, ვინც უშუალოდ მონაწილეობდა ამ ძალადობაში და ყველას მოეთხოვება პასუხი, ვისაც რაიმე დანაშაული მიუძღვის. ძალადობა, აგრესია, შეურაცხყოფა და ზოგადად, ის ანტაგონიზმი, რაც იკვეთება ბოლო თვეების განმავლობაში სხვადასხვა, პოლიტიკურად მოაზროვნე ადამიანებს შორის, არ ვარგა ეს, დაუშვებელია.
უფრო მეტი სიყვარული, უფრო მეტი პატივისცემა არის საჭირო. ძალადობა მხოლოდ ფიზიკური არ არის, ძალადობა არის ფსიქოლოგიურიც. ჩემთვის, როგორც რიგითი მოქალაქისთვის, ყველანაირად მიუღებელია ძალადობა, ძალადობის წამახალისებელი ქმედებები ან განცხადებები. ამაზე ყველა უნდა დავფიქრდეთ“, – განაცხადა კალაძემ.
