გურჯაანის მერის მოადგილემ გახარიას გუნდში გადაინაცვლა
![](https://heretifm.com/wp-content/uploads/2021/08/qochorashvili.jpg)
გურჯაანის მუნიციპალიტეტის მერის პირველმა მოადგილემ, თანამდებობა დატოვა და გიორგი გახარიას გუნდს შეუერთდა. თანამდებობის დატოვებისას და პოლიტიკურ პარტიაში,” საქართველოსთვის” გადასვლის ფაქტი, რადიო ჰერეთს, თავად სიმონ ქოჩორაშვილმა დაუდასტურა.
” იყო რაღაცეები პარტიაში, რაც არ მაკმაყოფილებდა. “ქართულ ოცნებასთან” ურთიერთობაში, ჩემი თავი ამოვწურე. სავარაუდოდ ვიქნები მერობის კანდიდატი, გიორგი გახარიას პარტიიდან და პარტიის თავმჯდომარეც გურჯაანში”- განაცხადა ქოჩორაშვილმა.
სიმონ ქოჩორაშვილი, გურჯაანის მუნიციპალიტეტის 2014 წლის მოწვევის საკრებულოს წევრი და სოფელ კარდენახის მაჟორიტარი დეპუტატი იყო.
2016 წლის საპარლამენტო არჩევნებში, ის „ირაკლი ალასანია – თავისუფალი დემოკრატებიდან“ გურჯაანის მაჟორიტარი დეპუტატობის კანდიდატად წარადგინეს, თუმცა, არჩევნებამდე რამდენიმე დღით ადრე, მან კანდიდატურა მოხსნა და კენჭისყრაზე უარი განაცხადა.
სიმონ ქოჩორაშვილი კახეთის ყოფილ გუბერნატორთან და ამჟამად, ახმეტა- თელავი- ყვარელი- ლაგოდეხის მაჟორიტარ დეპუტატთან, ირაკლი ქადაგიშვილთან დაახლოებულ პირად მოიაზრებოდა, რომელიც 2012- 2014 წლებში, ” თავისუფალი დემოკრატების” თავმჯდომარე იყო.
სიმონ ქოჩორაშვილი, გურჯაანის მუნიციპალიტეტის მერის მოადგილედ, 2017 წელს დაინიშნა.