ომალოს გზაზე ავარიის შედეგად დაშავებული საავადმყოფოში გადაიყვანეს
ფშაველი-აბანო-ომალოს გზაზე, ავტოსაგზაო შემთხვევის შედეგად, დაშავებული მგზავრი სასწრაფო- სამედიცინო დახმარების ბრიგადამ, თელავის რეფერალურ საავადმყოფოში გადაიყვანა.
საგანგებო სიტუაციების მართვის სამსახურის ინფორმაციით, გზის 35- ე კილომეტრზე, ხევში გადავარდნილი ავტომობილის მძღოლი, 66 წლის ნუგზარ თათრულაიძე ადგილზევე გარდაცვლილი იყო.
უსაფრთხოდ არის ავტომობილში მყოფი, გერმანელი ტურისტი ქალი, რომელიც ავტომობილში იმყოფებოდა.
შემთხვევა თუშეთის გზაზე, ორი საათის წინ მოხდა. ტოიოტას მარკის მაღალი გამავლობის ავტომობილი, სავარაუდოდ, გადაჭარბებული სიჩქარით მოძრაობდა და ის ხევში გადავარდა. სამაშველო სამსახურის გარდა, ავტომობილში მყოფი პირების დახმარებას ადგილობრივებიც ცდილობდნენ.
მომხდარ ფაქტზე, გამოძიება სისხლის სამართლის კოდექსის 276- ე მუხლის მეექვსე ნაწილით დაიწყო.
