Hereti FM - ჩვენ ვსაუბრობთ თქვენს ენაზე

ტოჩინოშინი დადებით ბალანსს მიუახლოვდა. მე-4 მოგება აკი ბაშოზე

14

ტოჩინოშინის შიკონათი ცნობილმა ლევან გორგაძემ ტოკიოს შემოდგომის სუპერტურნირზე მე-4 მოგება ჩაიწერა.

33 წლის ქართველმა სუმოისტმა დასავლეთის მე-8 მაეგაშირა ტობიზარუ, რომელიც ლევანზე 48 კგ.-ით მსუბუქია, – დოჰიოდან გადააგდო.

გორგაძე ტობიძარუზე 16 სმ-ით მაღალიცაა და ამან ქართველის უპირატესობა შესამჩნევი გახადა. ტოჩინოშინმა იორიტაოშის ილეთი გამოიყენა და აქტივში მოგება ჩაიწერა.

საერთო ჯამში გორგაძეს 4 მოგება და 6 მარცხი აქვს. მას 5 თამაშიდან 4 მაინც უნდა მოიგოს, რომ წოდება დაიბრუნოს და რეიტინგშიც წინ წაიწიოს.

ტურნირის მე-11 დღეს ქართველი სუმოისტის პირისპირ დასავლეთის მე-16 მაეგაშირა ტოკუშორიუ დადგება, რომელიც გორგაძეს ამ დრომდე 8-ჯერ შეხვდა და 5 მოგება აქვს. გამარჯვება კი ორივეს აუცილებლად ჭირდებათ.

ფეისბუქ კომენტარები
რადიო ჰერეთი