საზოგადოებრივ ტრანსპორტში ქმარმა ცოლი ბავშვების თვალწინ დანით მოკლა
![](https://heretifm.com/wp-content/uploads/2022/05/sophi-kvaratskhelia-720x470.jpg)
მამაკაცმა, რომელმაც მეუღლე, ახალგაზრდა ქალი, არასრულწლოვანი შვილების, სამი შვილის თვალწინ მოკლა, 31 წლის სოფი კვარაცხელიაა.
არსებული ინფორმაციით, კაცმა რამდენიმე საათის წინ, საზოგადოებრივ ტრანსპორტში, გურამიშვილის გამზირზე, ცოლი დანით მოკლა.
რადიო თბილისის ინფორმაციით, ცოლ-ქმარი აფხაზეთიდან დევნილია და ზუგდიდშიც ცხოვრობდნენ. ცოლ-ქმარი ზუგდიდიდან თბილისში რამდენიმე წლის წინ გადავიდა საცხოვრებლად.
სოფი კვარაცხელია ზუგდიდში წლების წინ საარჩევნო კამპანიაში იყო ჩაბმული.
გამოძიება ოჯახის წევრის მიმართ დამამძიმებელ გარემოებებში ჩადენილ განზრახ მკვლელობის მუხლით მიმდინარეობს.
თვითმხილველების ინფორმაციით, მკვლელობას წინ ცოლ-ქმარს შორის დაპირისპირება უძღვოდა. მათივე ცნობით, მკვლელობის შემდეგ ახალგაზრდა მამაკაცს შემთხვევის ადგილიდან მიმალვა არ უცდია და პოლიციას თავად ჩაბარდა.
რაც შეეხება მცირეწლოვან ბავშვებს, ისინი შოკურ მდგომარეობაში იმყოფებოდნენ,მათთან ფსიქოლოგები მუშაობენ და ამ დროისთვის ნათესავებთან იმყოფებიან.
ცხედარი ცოტა ხნის წინ, ექსპერტიზაზე გადაიყვანეს. თვითმხილველების გამოკითხვა ამ დრომდე მიმდინარეობს.