EU-არ მიიღებს საქართველოს და უკრაინის სეპარატისტულ რეგიონებში გაცემული რუსული სამოგზაურო დოკუმენტებს
ევროკავშირის ელჩები შეთანხმდნენ, არ მიიღონ საქართველოს და უკრაინის სეპარატისტულ რეგიონებში გაცემული რუსული სამოგზაურო დოკუმენტები. გადაწყვეტილების თანახმად, დიპლომატები შეთანხმდნენ ევროპარლამენტთან მოლაპარაკებების მანდატზე, რაც არის პასუხი რუსეთის გაუმართლებელ სამხედრო აგრესიაზე უკრაინის წინააღმდეგ და რუსეთის ცალმხრივ გადაწყვეტილებაზე საქართველოს ტერიტორიების, აფხაზეთისა და სამხრეთ ოსეთის დამოუკიდებლობის აღიარებასთან დაკავშირებით.
გადაწყვეტილების მიხედვით, რუსეთის მიერ ოკუპირებულ რეგიონებში, უკრაინაში ან საქართველოს სეპარატისტულ ტერიტორიებზე გაცემული რუსული სამგზავრო დოკუმენტები არ მიიღება ვიზის მისაღებად ან შენგენის ზონის საზღვრების გადაკვეთისთვის.
„უკრაინის რეგიონების უკანონო ანექსიით, რუსეთმა კიდევ ერთხელ აჩვენა თავისი აშკარა უგულებელყოფა წესებზე დაფუძნებული საერთაშორისო წესრიგის მიმართ. ჩვენ არასოდეს ვაღიარებთ უკრაინისა და საქართველოს ფუნდამენტური უფლებების დარღვევას დამოუკიდებლობის, სუვერენიტეტისა და ტერიტორიული მთლიანობის შესახებ. ევროკავშირი ერთიანად და მტკიცედ დგას ორივე ქვეყნისა და მათი ხალხის გვერდით“, – აღნიშნულია ევროკავშირის განცხადებაში.
ეს გადაწყვეტილება პასუხია რუსეთის არაპროვოცირებულ და გაუმართლებელ სამხედრო აგრესიაზე უკრაინის წინააღმდეგ, რუსეთის პრაქტიკაზე ოკუპირებული რეგიონების მცხოვრებლებისთვის რუსული საერთაშორისო პასპორტების გაცემის შესახებ. ასევე რუსეთის ცალმხრივ გადაწყვეტილებაზე, რომლის მიხედვითაც მან 2008 წელს საქართველოს ტერიტორიების, აფხაზეთისა და სამხრეთ ოსეთის, დამოუკიდებლობა ცნო, ნათქვამია დოკუმენტში.
“უკრაინის რეგიონების უკანონო ანექსიით რუსეთმა კიდევ ერთხელ აჩვენა თავისი აშკარა უგულებელყოფა წესებზე დაფუძნებული საერთაშორისო წესრიგის მიმართ. ჩვენ არასოდეს ვაღიარებთ უკრაინისა და საქართველოს ფუნდამენტური უფლებების დარღვევას დამოუკიდებლობის, სუვერენიტეტისა და ტერიტორიული მთლიანობის შესახებ. ევროკავშირი ერთიანად და მტკიცედ დგას ორივე ქვეყნისა და მათი ხალხის გვერდით“, – აცხადებს ვიტ რაკუშანი, ჩეხეთის შინაგან საქმეთა მინისტრი.
ევროკავშირის განცხადებით, ამ რეგიონებში გაცემული რუსული სამგზავრო დოკუმენტები ევროკავშირის წევრი ქვეყნების მიერ აღიარებული არ არის ან არაღიარების პროცესშია.
ეს გადაწყვეტილება მიზნად ისახავს ევროკავშირის წევრი ქვეყნების უსაფრთხოების დაცვას და საერთო მიდგომის ჩამოყალიბებას, საზღვრის გამართული ფუნქციონირებისა და საერთო სავიზო პოლიტიკის უზრუნველსაყოფად.
ამ მანდატის საფუძველზე, ჩეხეთი, როგორც ევროკავშირის მოქმედი თავმჯდომარე ქვეყანა, მზადაა ევროპარლამენტთან დისკუსიების დასაწყებად.
ევროკავშირმა 9 სექტემბერს სრულად შეაჩერა რუსეთთან გამარტივებული სავიზო რეჟიმი.
