ავარიის შედეგად კახეთში 32 წლის კაცი გარდაიცვალა

ავტოსაგზაო შემთხვევა გურჯაანის მუნიციპალიტეტში- გარდაცვლილია ახალგაზრდა მამაკაცი

შემთხვევა ცოტა ხნის წინ, სოფელ არაშენდაში მოხდა.

ადგილობრივების ინფორმაციით, მსუბუქი ავტომანქანა სოფლის ცენტრში, სატვირთო კამაზს შეეჯახა.

ძლიერი შეჯახების შედეგად, 32 წლის მამაკაცმა თავის მძიმე ტრავმა მიიღო და ადგილზე გარდაიცვალა.

შემთხვევის ადგილზე პოლიცია, მაშველები და სასწრაფო-სამედიცინო დახმარების ბრიგადა იმყოფება.