“ფულადი გზავნილების შეზღუდვებზე ამერიკის საელჩოსთვის ცნობილი არ არის”

აშშ-ის საელჩოსთვის ცნობილი არ არის ამერიკის მიერ, საქართველოში ფულად გზავნილებზე დაწესებული შეზღუდვების შესახებ. განმარტებისთვის გირჩევთ დაუკავშირდეთ ვესტერნ იუნიონს ან ბანკს. – ამის შესახებ ამერიკის საელჩომ საქართველოში, რადიო თბილისს განუცხადა.

რადიო თბილისთან, საქართველოს ეროვნული ბანკი არ ადასტურებს ამერიკის შეერთებული შტატებიდან საქართველოში თანხებზე დაწესებულ შეზღუდვებს.

“ქართული კომერციული ბანკების მეშვეობით Western Union – ის სისტემით შეუფერხებლად ხორციელდება ტრანზაქციები აშშ – დან საქართველოში, ასევე პირიქით – საქართველოდან აშშ – ში.” – ამის შესახებ რადიო თბილისთან საქართველოს ეროვნულ ბანკში განაცხადეს.

ეროვნული ბანკის თქმით, ცალკეული ინდივიდუალური შემთხვევა,შესაძლოა უკავშირდებოდეს გზავნილის ლიმიტებს.

“ასეთ შემთხვევაში, კლიენტმა უნდა მიმართოს მომსახურე საფინანსო ორგანიზაციას.” – აცხადებენ ეროვნულ ბანკში.

ამერიკის შეერთებული შტატებიდან საქართველოში “ვესტერნ იუნიონის” გავლით, თანხების გადმორიცხვა ნაწილობრივ შეიზღუდა – ამის შესახებ რადიო თბილისთან, ამერიკაში მცხოვრებმა დავით ქართველიშვილმა განაცხადა.

დავით ქართველიშვილი ამბობს, რომ “ვესტერნ იუნიონით” შეერთებული შტატებიდან მხოლოდ 5 ტრანზაქციის შესრულებაა შესაძლებელი. მცირე თანხების გადმორიცხვაზე კი უარი იმ მიზეზით ეთქვა, რომ საქართველო სანქცირებულ ქვეყნების სიაშია.

“ამერიკიდან საქართველოში თანხების გადმორიცხვა შეიზღუდა – მიზეზი სანქციებია”