მნიშვნელოვანისიახლეები
საქართველოს პრეზიდენტმა დღეს შვიდი მსჯავრდებული შეიწყალა
საქართველოს პრეზიდენტმა სალომე ზურაბიშვილმა შვიდი მსჯავრდადებული შეიწყალა. პრეზიდენტის ადმინისტრაციის გავრცელებული ინფორმაციის მიხედვით, შეწყალებულთაგან ერთი ქალია.
„ხუთი მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან, ხოლო ორ მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, მათ შორის ერთი ქალი მსჯავრდებულია“, – აღნიშნულია პრეზიდენტის ადმინისტრაციის ინფორმაციაში.
საქართველოს კონსტიტუციის მიხედვით, პრეზიდენტი ქვეყანაში ერთადერთი ადამიანია, რომელსაც ყოველგვარი განმარტების გარეშე შეუძლია ნებისმიერი სიმძიმის დანაშაულის ჩადენისთვის გასამართლებული ადამიანის შეწყალება.
