მამუკა გორგოძე ტოპ-14-ის ტურის საუკეთესო მორაგბედ დაასახელეს
![](https://heretifm.com/wp-content/uploads/2015/12/c_49d8a4f98c046d6695e6ed5118c8fa11_1449694652886446_0.jpg)
ფრანგულმა ვებ-გვერდმა rugby-transferts.com-მა საფრანგეთის სარაგბო პირველობის ტოპ-14-ის მე-9 ტურის საუკეთესო მორაგბის გამოკითხვა მოაწყო.
ტრადიციულ გამოკითხვაში მონაწილეობა 4 ათასზე მეტმა ფანმა მიიღო. ხმების 29%-ით “ტულონის” ქართველმა მორკინალმა მამუკა გორგოძემ იმარჯვა და მე-9 ტურის საუკეთესო მოთამაშე გახდა.
მეორე ადგილზე გაეტან ჟერმანი გავიდა – 22%-ით, მე-3 ადგილზე კი იან ლესგურგი – 19%.
“კლერმონთან” თამაშში მამუკა გორგოძე მოედანზე ყველგან იყო. მისი ენერგია და ძალა გუნდს ძალიან დაეხმარა”, – წერს ფრანგული საიტი.