უბედურ შემთხვევას კახეთში ახალგაზრდა ემსხვერპლა

სოფელ ველისციხეში 33 წლის მამაკაცი გარდაიცვალა. წინასწარი ინფორმაციით გარდაცვალების მიზეზი ელ-ენერგია გახდა.

გარდაცვლილის ახლობლების განცხადებით, მამაკაცი ტრანსფორმატორზე შესაკეთებლად ავიდა, რა დროსაც დენმა დაარტყა და დაიღუპა. შემთხვევა ღვინის კომპანიაში მოხდა. აღძრულია სისხლის სამართლის საქმე.

მოკვლევას გურჯაანის პოლიციის სამმართველო აწარმოებს.