“ცოტნე გამსახურდიას განაჩენი გადაიხედება”

მთავარმა პროკურატურამ ცოტნე გამსახურდიას სასამართლო განაჩენის გადახედვის გადაწყვეტილება მიიღო. აღნიშნული გამსახურდიას მთავარ პროკურტაურაში დღეს გააცნეს.

ცოტნე გამსახურდია სასჯელს იარაღის უკანონო შეძენა-შენახვა-ტარებისა და განზრახ მკვლელობის მცდელობის ბრალდებით იხდიდა.

მას 9 წლითა და 6 თვით პატიმრობა მიესაჯა. გამსახურდია 2009 წლის 27 ოქტომბერს დააკავეს. საქართველოს პირველი პრეზიდენტის შვილი 2012 წლის ოქტომბერში მიხეილ სააკაშვილმა პატრიარქის შუამდგომლობის საფუძველზე შეიწყალა.

2007 წელს მას ბრალად სისხლის სამართლის კოდექსის 315-ე მუხლი წარუდგინეს, რაც ხელისუფლების დამხობის მიზნით შეთქმულებას ითვალისწინებს.