ცნობილი ბრიტანელი მომღერალი ჯორჯ მაიკლი გარდაიცვალა [Video]
53 წლის ასაკში ცნობილი ბრიტანელი მომღერალი და კომპოზიტორი ჯორჯ მაიკლი გარდაიცვალა. არა ერთი ჯილდოს მფლობელი, ვარსკვლავი ლონდონში, საკუთარ სახლში იმყოფებოდა. მიზეზი ამ დრომდე არ ხმაურდება.
პოლიცია გარდაცვალებას მოულოდნელ ფაქტს უწოდებს და საეჭვო გარემოებას გამორიცხავს. ჯორჯ მაიკლის ოჯახი პრესას სთხოვს, გაგებით მოეკიდონ მათთვის უმძიმეს და ემოციურ პერიოდს.
2011 წელს მაიკლმა პნევმონიის ურთულესი ფორმა გადაიტანა. მაშინ ინფორმაცია გავრცელდა, რომ იგი სიკვდილის პირზეა მისული და ფილტვების ხელოვნური ვენტილაციის აპარატის გამო ხმა საერთოდ დაკარგა. თუმცა მოგვიანებით მომღერალმა განაცხადა, რომ უკვე გამოჯანმრთელდა.
ჯორჯ მაიკლი 1963 წელს ლონდონში დაიბადა. თავისი მუსიკალური კარიერა 1980-იან წლებში დუეტ Wham-ის შემადგენლობაში დაიწყო. მოგვიანებით ჯგუფი დაიშალა და მომღერალმა თავისი სოლო კარიერა დაიწყო. მან 6 სოლო ალბომი გამოუშვა.
მაიკლი საკუთარი კარიერის მანძილზე მრავალი მუსიკალური პრემიით დაჯილდოვდა, მათ რიცხვში 3 “გრემით” და MTV-ს 5 პრემიით. მისი ბოლო ალბომი Symphonica 1914 წელს გამოვიდა.
ბრიტანელი მომღერლის გარდაცვალებას სხვა ვარსკვლავები სოციალური ქსელებით გამოეხმაურნენ და მწუხარება გამოხატეს.
