განახლებული და რეაბილიტირებული პეკინის გამზირი გაიხსნა
განახლებული და რეაბილიტირებული პეკინის გამზირი გაიხსნა.
გახსნის პროცესს თბილისის მერი, საკრებულოს თავმჯდომარე და პროცესში ჩართული სამსახურების ხელმძღვანელები დაესწრნენ.
დავით ნარმანიას განცხადებით, პეკინის გამზირზე სრულად გამოიცვალა მიწისქვეშა კომუნიკაციები, დაიგო გზის ახალი საფარი, ასევე მოეწყო ველობილიკი. ავტომობილების მოძრაობა კვლავ ცალმხრივია, თუმცა საზოგადოებრივი ტრანსპორტი ორმხრივად იმოძრავებს.
