თუშეთში მიმავალი გზა დაიკეტა
თუშეთში მიმავალ საავტომობილო გზაზე ინტენსიური თოვის გამო მანქანების მოძრაობა შეიზღუდა.
როგორც თუშეთის გამგებელმა განაცხადა, თოვლის საფარი 20-30 სმ-ს აღწევს. განსაკუთრებით კი რთული ვითარებაა აბანოს უღელტეხილზე, რის გამოც მგზავრებს სიფრთხილისკენ მოუწოდებენ.
თუშეთის გზის გაწმენდითი სამუშაოები უკვე დაიწყო. როგორც კომპანიაში განაცხადეს, ავტომანქანების მოძრაობა შესაძლოა დღის პირველ ნახევარში აღდგეს.
ფშაველი-ომალოს გზა ზამთრის სეზონზე, ყოველწლიურად ოქტომბრის შუა რიცხვებიდან მაისის შუა რიცხვებამდე იკეტება.
