მნიშვნელოვანისაქართველო
საავტომობილო გზებზე შეზღუდვები ამოქმედდა
ინტენსიური თოვისა და ყინვის გამო საავტომობილო გზებზე შეზღუდვები დაწესდა.
ამ დროისათვის თბილისი-სენაკი-ლესელიძის და ჩუმათელეთი-ხუნევის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.
დანარჩენი სახის მანქანებისთვის მოძრაობა თავისუფალია.
შეზღუდვებია საჩხერე-ჭიათურა-ზესტაფონის მონაკვეთზეც, სადაც მოძრაობა აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსებისთვის.
დანარჩენი სახის ავტოტრანსპორტის გადაადგილება დასაშვებია მოცურების საწინააღმდეგო ჯაჭვების გამოყენებით.