აშშ-ის პრეზიდენტმა დონალდ ტრამპმა იერუსალიმში ამერიკის საელჩოს გახსნის შესახებ ოფიციალურად განაცხადა.
ოფიციალურ ცერემონიაში მონაწილეობა მიიღეს აშშ-ის პრეზიდენტის ქალიშვილმა, ივანკა ტრამპმა და მისმა ქმარმა, თეთრი სახლის მრჩეველმა, ჯარედ კუშნერმა, ფინანსთა მინისტრმა, სტივენ მნუჩინმა და ისრაელის პრემიერ-მინისტრმა, ბენიამინ ნეთანიაჰუმ.
2017 წლის 6 დეკემბერს აშშ-ის პრეზიდენტმა თქვა რომ ვაშინგტონი იერუსალიმს ისრაელის დედაქალაქად ოფიციალურად აღიარებს.
ამასთან, ტრამპმა აღნიშნა, რომ ისრაელში აშშ-ის საელჩო თელ-ავივიდან იერუსალიმში გადაინაცვლებს. საელჩოს გახსნის ცერემონია, ღაზის სექტორში დაპირისპირებების ფონზე მიმდინარეობდა.