მნიშვნელოვანისაქართველო

“ხორავას ქუჩაზე დატრიალებული ტრაგედია ჩვენთვის იქცა სერიოზულ გამოწვევად”

ხორავას ქუჩაზე მოკლული მოზარდების ოჯახის წევრებთან შეხვედრის შემდეგ პრემიერმა დღეს პირველი კომენტარი მთავრობის სხდომაზე გააკეთა.

გიორგი კვირიკაშვილი ამბობს, რომ აღნიშნულ საქმესთან დაკავშირებით საქალაქო სასამართლოს გადაწყვეტილებამ თავად ხელისუფლებას კითხვის ნიშნები გაუჩინა.

პრემიერის განცხადებით, ხორავას ქუჩის საქმესთან დაკავშირებით არსებულ კითხვებს გამოძიებამ პასუხი უნდა გასცეს.

გიორგი კვირიკაშვილი დროებითი საგამოძიებო კომისიის შექმნის მიზანსაც განმარტავს და აცხადებს, რომ პარლამენტს ხორავას ქუჩის საქმის გამოძიების მიზნით დროებითი საგამოძიებო კომისიის შექმნის იდეა აქციების დაწყებამდე ჰქონდა.

გიორგი კვირიკაშვილმა ზაზა სარალიძის მხარდამჭერ აქციაზეც ისაუბრა, რომელიც პარლამენტის წინ რამდენიმე დღის განმავლობაში მიმდინარეობდა. პრემიერმა პოლიტიკური პარტიები ანგაჟირებულ ჯგუფებად მოიხსენია. გიორგი კვირიკაშვილის განცხადებით, აქციაზე არაადეკვატური მოთხოვნები გახმოვანდა.

მსგავსი პოსტები

Back to top button