Hereti FM

იუსტიციის მინისტრი მერაბიშვილის ციხიდან გაყვანის შესახებ

50
Share Button

ვანო მერაბიშვილის საქმესთან დაკავშირებით ევროსაბჭოს კომიტეტის მწვავე დასკვნას იუსტიციის მინისტრი გამოეხმაურა. თეა წულუკიანი ამბობს, რომ მერაბიშვილის ციხიდან გაყვანის საქმეზე გამოძიება დაწყებულია და სიმართლე დადგინდება.

რაც შეეხება განაჩენებს, მინისტრის თქმით, არც ერთ ეტაპზე ვანო მერაბიშვილის პატიმრობა უკანონო არ ყოფილა.

“მინისტრთა კომიტეტმა მოიწონა მთავრობის არგუმენტები იმასთან დაკავშირებით, რომ საკნიდან გაყვანის ეპიზოდზე გამოძიება განახლებულია.

ორი საკითხი, რომელზეც ასე ვთქვათ, აღმასრულებელი ორგანო გააგრძელებს ჩვენთან ერთად მუშაობას ეს არის, როგორც უკვე აღვნიშნე საკნიდან გაყვანის ეპიზოდის გამოძიების საკითხი და მეორე ის, რომ პატიმრობის გაგრძელების გადაწყვეტილების მიღებისას, მოსამართლეებმა უკეთესად დაასაბუთონ საკუთარი გადაწყვეტილებები.

თუმცა იქვე აღნიშნა, რომ ეს დარღვევა არ აქცევდა ვანო მერაბიშვილის დაკავებას უკანონოდ და არც არსებობდა ამიტომ გათავისუფლების საფუძველი,“-აცხადებს თეა წულუკიანი.

სტრასბურგის სასამართლოს გადაწყვეტილებების აღსრულებაზე ზედამხედველმა ორგანომ, ევროპის საბჭოს კომიტეტმა მერაბიშვილის განაჩენები ეჭვქვეშ დააყენა.

კომიტეტში არ გამორიცხავენ, რომ არსებობდეს კავშირი ამ განაჩენებსა და იმ ზეწოლას შორის, რომელსაც ადგილი ჰქონდა მერაბიშვილის საკნიდან გაყვანის დროს. ამის გამო, ევროსაბჭოს კომიტეტი მოუწოდებს საქართველოს ხელისუფლებას, რაც შეიძლება დროულად გამოიძიოს მთავრობამ ყოფილი პრემიერის ციხიდან გაყვანის ფაქტი, გამოავლინოს პასუხისმგებელი პირები და დაიწყოს მათზე სისხლის სამართლებრივი დევნა.

მოისმინეთ თეა წულუკიანის ხმა.

 

ფეისბუქ კომენტარები
Share Button
რადიო ჰერეთი