მსოფლიოსაქართველოსიახლეები

“2008 წელს აგრესორი იყო რუსეთი”

ჩვენ გვქონდა აქტიური კომუნიკაცია მთავრობასთან, იუსტიციის სამინისტროსთან ამ საკითხთან დაკავშირებით, ძალიან ინტენსიურად მუშაობდა იუსტიციის სამინისტრო, იმისათვის, რომ სათანადო შედეგისთვის მიგვეღწია, – განაცხადა პარლამენტის თავმჯდომარემ ირაკლი კობახიძემ სტრასბურგის სასამართლოს გადაწყვეტილებასთან დაკავშირებით.

როგორც მან ჟურნალისტებთან საუბრისას განაცხადა, 2008 წელს აგრესორი იყო რუსეთის ფედერაცია ომში და ზუსტად ამას ასახავს სტრასბურგის სასამართლოს გადაწყვეტილება.

„რა თქმა უნდა, ეს არის ძალიან მნიშვნელოვანი გადაწყვეტილება, რომელიც მიღებულია სტრასბურგის სასამართლოს მიერ. რა თქმა უნდა, ეს გადაწყვეტილება ზოგადად ეფუძნება იმ რეალობას, რომელიც იყო 2008 წელს, ჩვენ ყველამ ვიცით, რომ ამ ომში აგრესორი იყო რუსეთის ფედერაცია და ზუსტად ამას ასახავს სტრასბურგის სასამართლოს გადაწყვეტილება, თუმცა ამ გადაწყვეტილებას სჭირდებოდა ძალისხმევა ქართული მხრიდან, იუსტიციის სამინისტროს მხრიდან და ზუსტად ამის შედეგია ის გადაწყვეტილება, რომელიც მიიღო სტრასბურგის სასამართლომ“, –განაცხადა ირაკლი კობახიძემ.

შეგახსენებთ, რომ სტრასბურგის სასამართლოში საქართველოს წინააღმდეგ 2008 წლის ომის შესახებ წარდგენილი საჩივრები დაუშვებლად გამოცხადდა.

მსგავსი პოსტები

Back to top button