მნიშვნელოვანისიახლეები

საქართველოში სანქცირებული ავიახაზები არ დაფრინავენ-ეკონომიკის მინისტრი

რატომ არ აქვს საქართველოს ამერიკასთან უვიზო მიმოსვლა პირდაპირი ფრენები და თავისუფალი ვაჭრობა-მათიკაშვილი

ეკონომიკის მინისტრის ინფორმაციით, ავიაკომპანია “რედ ვინგზს” რუსეთიდან საქართველოს მიმართულებით დამატებით ფრენების დაწყების თაობაზე ქართული მხარისთვის არ მიუმართავს.

როგორც ლევან დავითაშვილი ამბობს, ავიაკომპანიის მიმართ სანქციები არ არსებობს, მათი ხომალდები შესაბამისობაშია მოთხოვნებთან და თუ კომპანია მიმართვას გააკეთებს, მან შესაძლოა ნებართვა მიიღოს. მინისტრის თქმითვე, საქართველოში სანქცირებული ავიახაზები არ დაფრინავენ.

“არ ემყარებოდა ფაქტებს და ამ შემთხვევაში, სამწუხაროდ, ჟურნალისტური ეთიკა იყო დარღვეული. წერილი სამინისტროში და სააგენტოში არ შემოსულა – ეს ერთი. მეორე ფაქტი, ასეც რომ იყოს და ცალმხრივად ვიღაცა ვიღაცას სწერდეს, რა შუაშია ეკონომიკის სამინისტრო ან ლევან დავითაშვილი, შესაბამისად, ეს არის მიზანმიმართული ცილისწამება, სიტუაციის დაძაბვა და საზოგადოების შეცდომაში შეყვანა.

რაც შეეხება ფრენებს, ჩვენ ამ ფრენებზე ჯერ არ გაგვიცია თანხმობა, იმიტომ, რომ ასეთი მომართვა არ შემოსულა სამოქალაქო ავიაციის სააგენტოში.

საქართველოში სანქცირებული ხომალდები და ავიახაზები არ დაფრინავენ. საერთაშორისო პრინციპების შესაბამისად, ყველა კომპანიას აქვს ძალიან მარტივი ურთიერთობა სამოქალაქო ავიაციის საზოგადოებასთან. სამოქალაქო ავიაციის საზოგადოება თვითონ იღებს გადაწყვეტილებას, სამინისტროს ჩარევის გარეშე. ეს არ არის პოლიტიკური თემა”, – განაცხადა ლევან დავითაშვილმა.

რატომ არ აქვს საქართველოს ამერიკასთან უვიზო მიმოსვლა, პირდაპირი ფრენები და თავისუფალი ვაჭრობა – მმართველ გუნდში მთავარ აქცენტს ცალმხრივ სტრატეგიულ პარტნიორობაზე აკეთებენ. მათი განმარტებით, ქვეყნისთვის მნიშვნელოვანია ამერიკასთან ურთიერთობის კიდევ უფრო გაღრმავება და ურთიერთობის გადასატვირთად მზადყოფნა კიდევ ერთხელ დაადასტურეს.

“სამწუხაროდ, დღემდე ეს საკითხი გადაუწყვეტელია. გვაქვს სტრატეგიული ურთიერთობა ჩინეთთან, ევროკავშირთან. ძალიან ბევრს ქვეყანასთან არის სურვილი, რომ კიდევ უფრო მეტად გაღრმავდეს ეს ურთიერთობა და აქ ნამდვილად არ იქნება გასაკვირი, თუკი ვიტყვით, რომ ჩვენ მთავარ სტრატეგიულ პარტნიორთან გვსურს ამ სტრატეგიული ურთიერთობის ბევრად გაღრმავება,” – აღნიშნა პარლამენტის იურიდიულ საკითხთა კომიტეტის თავმჯდომარის პირველმა მოადგილემ დავით მათიკაშვილმა.

ოპონენტების შეფასებით კი, “ქართულმა ოცნებამ” უნდა გადადგას ის ნაბიჯები, რაც შტატებს მისცემს მეტ შესაძლებლობას იმუშაოს პარტნიორობის გაღრმავებაზე სხვადასხვა მიმართულებით.

გარდა ამისა, USAID-ის კავკასიის მისიის დირექტორმა “ამერიკის ხმასთან” ამერიკა-საქართველოს ურთიერთობაზე ისაუბრა. მისი განცხადებით, სააგენტოს საქართველოსთან 32 წელია მჭიდრო პარტნიორობა აქვს და ორ მილიარდ დოლარზე მეტი ოდენობის ინვესტიცია დაიხარჯა, რაც იმ 6 მილიარდის ნაწილია, რომელიც ამერიკამ საქართველოს ჯამურად გამოუყო. ჯონ პენელის განცხადებით, სააგენტოს ამჟამად საქართველოს სხვადასხვა სფეროში 40 მიმდინარე პროექტი აქვს.

მსგავსი პოსტები

Back to top button